អំពី
រុស្សធី ឃីហូលបូតហាវ គឺជាបារនិងហាងអាហារបែបអ៉ឺរ៉ុប និងជាទីពេញនិយមមួយ ដែលទេសចរបរទេសផ្តាំតគ្នា ឲ្យទៅញ៉ាំ។ ហាងនេះ ល្បីដោយសារឯកទេសក្នុងការធ្វើឆ្អឹងជំនីមានរសជាតិឆ្ងាញ់។
ទីតាំង
ហាង Rusty Keyhole Boat House គឺស្ថិតនៅតាមបណ្តោយមាត់ព្រែកកំពង់បាយ នៅលើផ្លូវលេខ ៧៣៥ និងមានចំងាយត្រឹមតែ៣៥០ម៉ែត្រប៉ុណ្ណោះ ពីសាលាខេត្តកំពត ឬប្រហែល ១.៣ គីឡូម៉ែត្រ ពីរង្វង់មូលធុរេន។
លក្ខណៈពិសេស
- ហាងនេះ គឺជាផ្ទះអណ្តែតទឹក សង់លយនៅលើមាត់ព្រែកកំពង់បាយ
- ទេសភាពកាន់តែស្អាត ពេលរសៀលជិតថ្ងៃលិច ព្រោះឃើញពន្លឺថ្ងៃស្រទន់ព្រៀកៗចាំងលើទឹក
- ម្ហូបប្រចាំហាងនេះគឺ ឆ្អឹងជំនីរ៉ាស្ទី (Rusty Ribs)
អ្ហូ! គួរដឹង
- Rusty Keyhole មានពីរបីទីតាំងនៅក្នុងខេត្តកំពត (មួយក្បែរស្ពានឥន្ធនូ និងមួយទៀតនៅទឹកឈូ)
- នៅហាងនេះ មាន challenge ឬការប្រកួតប្រជែងមួយឈ្មោះថា Dino Ribs Challenge។ មុននឹងចូលរួមប្រគួត អ្នកត្រូវបង់លុយ ៥៨០០០រៀល (១៤.៥ដុល្លារ) ជាមុនសិន បន្ទាប់មកអ្នកត្រូវញ៉ាំឆ្អឹងជំនី ១គីឡូកន្លះ។ ប្រសិនបើអ្នកអាចញ៉ាំអស់ក្នុងរយៈពេល ១ម៉ោង ខាងហាង Rusty Keyhole គេនឹងបញ្ចុះថ្លៃពាក់កណ្តាល ប៉ុន្តែប្រសិនបើអ្នកអត់អាចញ៉ាំអស់ក្នុងរយៈពេល ១ម៉ោង ទេ គេនឹងថតរូបអ្នកហើយបិតលើជញ្ជាំង Wall of Shame!
កប់យោបល់