រមណីយដ្ឋាន​ខ្សែរ៉ក​​ មយូរ៉ា – Mayura Zipline

បិទសំរាក

រមណីយដ្ឋានខ្សែរ៉ក​​ “មយូរ៉ា” ជាសកម្មភាពកំសាន្តផ្តល់បទពិសោធជិះខ្សែរ៉កប្លែកពីកន្លែងជិះផ្សេងៗទៀតនៅប្រទេសកម្ពុជា។ រមណីយដ្ឋាននេះមានខ្សែរ៉កចំនួន ៧ ដែលមានលក្ខណៈពិសេសៗដូចជា ស្ពានយោល ខ្សែជិះជាគូ​ និងខ្សែតែមួយដែលជិះកំពស់ ១០០ ម៉ែត្រពីលើទឹកជ្រោះប៊ូស្រា ​និងប្រវែង ៣០០ម៉ែត្រ។ ក្រៅពីជិះខ្សែរ៉ក យើងក៏អាចដើរមើលនៅក្នុងឧទ្យានអេកូប៊ូស្រាផងដែរ។

ទីតាំង

រមណីយដ្ឋានខ្សែរ៉ក​​ “មយូរ៉ា” ស្ថិតនៅក្នុងរមណីយដ្ឋានទឹកជ្រោះប៊ូស្រា និងឧទ្យានអេកូប៊ូស្រា ដែលមានចំងាយ 32.5 គីឡូម៉ែត្រពី រង្វង់មូលគោព្រៃ ដែលជាទូទៅត្រូវចំណាយធ្វើដំណើរពេលជាង៤០នាទី។

តម្លៃ

• សំបុត្រចូល
  • ២៥ដុល្លារ សម្រាប់ប្រជាជនខ្មែរ
  • ៥០ដុល្លារ សម្រាប់បរទេស
• មធ្យោបាយធ្វើដំណើរ
  • អាចធ្វើដំណើរទៅដល់បានដោយ រថយន្ត ម៉ូតូ ឬកង់បី
  • តម្លៃកង់បី ពីសែនមនោរម្យចាប់ពី ២០ដុល្លារឡើងទៅសម្រាប់ទៅមក

លក្ខណៈពិសេស

• ជិះខ្សែរ៉កមើលទឹកជ្រោះប៊ូស្រាពីលើកំពស់១០០ម
• ជិះខ្សែរ៉កជាគូ
• ដើរលើស្ពានយោលខ្ពស់ជាងគេ
• ដើរមើលឧទ្យានអេកូប៊ូស្រា

កញ្ចប់សកម្មភាព

• ជិះខ្សែរ៉កចំនួន ៧ និង ឆ្លងស្ពានយោលអាកាស១
• សកម្មភាពមានរយៈពេលសរុបចំនួន ២ម៉ោង
• បញ្ចូលការធ្វើដំណើរពីទឹកជ្រោះប៊ូស្រាទៅកន្លែងជិះខ្សែរ៉ក
• ចូលមើលឧទ្យានអេកូប៊ូស្រាឥតគិតថ្លៃ
• មានឧបករណ៍សុវត្ថិភាពផ្សេងៗ និងធានារ៉ាប់រង

អ្ហូ! គួរដឹង!

• ពេលព្រឹកជាពេលល្អជាងគេសម្រាប់ទៅលេងរមណីយដ្ឋាននេះដោយសារមេឃភាគច្រើនត្រជាក់ល្អ
• ជាទូទៅការជិះលេងមានរយៈពេល២ម៉ោង អញ្ចឹងយើងអាចចំណាយពេលបន្ថែមលេងនៅទឹកជ្រោះប៊ូស្រាមុននឹងចេញមកវិញ
• ស្លៀកពាក់សំលៀកបំពាក់របៀបកីឡា ដើម្បីងាយស្រួលពាក់ឧបករណ៍សុវត្ថិភាព (ជៀសវាងរ៉ូប និងស្បែកជើងជំពាម)