អំពី
ការមើលផ្សោត គឺជាសកម្មភាពទេសចរណ៍ចំណាត់ថ្នាក់លេខមួយ ប្រចាំខេត្តក្រចេះ។ អន្លង់ផ្សោតកាំពី ជារមណីយដ្ឋានធម្មជាតិរបស់សហគមន៍កាំពី ដែលរៀបចំសម្រាប់ការនាំភ្ញៀវទស្សនា សត្វផ្សោតទន្លេមេគង្គ។
ទីតាំង
រមណីយដ្ឋានអន្លង់ផ្សោតកាំពី ស្ថិតនៅតាម ដែលមានចំងាយប្រមាណ ១៥ គីឡូម៉ែត្រពី ផ្សារសាមគ្គីក្រចេះ ក្នុងទីរួមខេត្ត ដែលជាទូទៅត្រូវចំណាយធ្វើដំណើរពេលជាង៣០នាទី ដោយរថយន្ត។
តម្លៃ
ដើម្បីចូលទស្សនាសត្វផ្សោតបាន ភ្ញៀវទេសចរត្រូវជួលទូក ជិះទៅក្បែរអន្លង់ផ្សោត រង់ចាំពេលដែលផ្សោតចេញមកខាងក្រៅ។ តម្លៃជួលទូកសម្រាប់ភ្ញៀវខ្មែរ គឺបែងចែកតាមទំហំទូក ដែលអាចផ្ទុកមនុស្សដូចខាងក្រោម៖
- ១-៥នាក់ ៤០០០០រៀល/ទូក (១០ដុល្លារ)
- ៦នាក់ ៤២០០០រៀល/ទូក (១០.៥ដុល្លារ)
- ៧នាក់ ៤៩០០០រៀល/ទូក (១២.២៥ដុល្លារ)
- ៨នាក់ ៥៦០០០រៀល/ទូក (១៤ដុល្លារ)
- លើសពី ៦នាក់ ហើយចាំអ្នកផ្សេងមកចូលទូកជាមួយ ៧០០០រៀល/ម្នាក់ (១.៧៥ដុល្លារ)
រីឯរយៈពេលជិះទូកវិញ គឺ៦០នាទី (វិច្ឆិកា-ឧសភា) និង៩០ នាទី (មិថុនា-តុលា)។ នារដូវប្រាំង ទូករត់ដល់ម៉ោង៥ល្ងាច រីឯរដូវវស្សារត់ត្រឹមម៉ោង ៤:៣០ ប៉ុណ្ណោះ។
អ្ហូ! គួរដឹង!
- ចំពោះអ្នកងាយនឹងពុលទូក អាចសុំអ្នកបរទូកឲ្យនាំអ្នកទៅកោះតូចមួយក្បែរនោះ ដើម្បីរង់ចាំមើលផ្សោតចេញ
- ជារៀងរាល់ឆ្នាំ ក្នុងខែតុលាឬវិច្ឆិកា ក៏មានការរៀបចំប្រារព្ធទិវាសត្វផ្សោតផងដែរនៅទីរួមខេត្តក្រចេះ
- នៅកម្ពុជាមានផ្សោត ៩២ ក្បាល (តួលេខឆ្នាំ២០១៧) ដែលរស់នៅក្នុងអន្លង់ផ្សោតនៃទន្លេមេគង្គ ស្ថិតនៅចន្លោះរវាងខេត្តក្រចេះ និងព្រំដែនឡាវ។
កប់យោបល់