អំពី
ប្រាសាទនេះកសាងឡើងនៅសតវត្សទី ១១ ក្នុងឆ្នាំ ១០២៧ រជ្ជកាលព្រះបាទសូរ្យិវរ្ម័នទី១ (១០០២ ១០៥០)នាសម័យមហានគរដើម្បីឧទ្ទិសថ្វាយចំពោះអាទិទេពនៃព្រហ្មញ្ញសាសនា។ប្រាសាទដ៏ចំណាស់នេះមានរាងបួនជ្រុងធើ្វពីថ្មភក់បែរមុខទៅទិសខាងកើតសង់លើខឿនមួយមានពីរថ្នាក់មានថែវព័ទ្ធជុំវិញតួប៉មនៃប្រាសាទនិងកំពែងធ្វើពីថ្មបាយកៀ្រមហើយនៅទីនោះមានគូទឹកព័ទ្ធជុំវិញទៀតផង។
ទីតាំង
ប្រាសាទវត្តឯកភ្នំ មានទីតាំង ក្នុងភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង ចម្ងាយ ប្រហែល ៨ គីឡូម៉ែត្រពី ផ្សារណាត់ខេត្តបាត់ដំបង។
លក្ខណៈពិសេស
- នៅទីនោះមានដើមពោធិ៍ ១៨ ដើ់ម ដុះព័ទ្ធជុំវិញប្រាសាទនោះ បង្កើតឲ្យមានជាម្លប់យ៉ាងត្រឈឹងត្រឈៃនិងខ្យល់អាកាសត្រជាក់បរិសុទ្ធ។
- នៅខាងត្បូងប្រាសាទនៅមានសល់គូទឹកដែលបច្ចុប្បន្នបានក្លាយទៅជាស្រះសម្រាប់ព្រះសង្ឃប្រើប្រាស់ ។
- សងេ្កតឃើញមានក្បាច់ចម្លាក់ជាច្រើនមានភាពរស់រវើកគួរឲ្យចង់ទស្សនានៅសេសសល់តាមផែ្នកមួយចំនួនដែលឆ្លុះបញ្ចាំងពីជំនឿ ក្នុងលទ្ធិព្រហ្មញ្ញសាសនាយ៉ាងជ្រាលជ្រៅទៀតផង។
អ្ហូ! គួរដឹង
- ចម្លាក់ទាំងនោះរួមមានព្រះឥសូរកំពុងអង្គុយលើយានជំនិះគោនន្ទិនជាមួយមហេសី ព្រះវិស្ណុ ព្រះឥន្រ្ទអង្គុយលើដំរីរឿងកូរសមុទ្រទឹកដោះ ។
- នៅបរិវេណប្រាសាទវត្តឯកភ្នំមានព្រះវិហារសម្រាប់ព្រះសង្ឃគង់នៅឈ្មោះថា “វត្តឯក” ។
មធ្យោបាយធ្វើដំណើរទៅកាន់ខេត្តបាត់ដំបង
ដើម្បីទៅដល់ខេត្តបាត់ដំបង អ្នកអាចធ្វើដំណើរតាមឡានក្រុង ឬ រទេះភ្លើង។ អ្នកអាចកក់សំបុត្រតាមក្រុមហ៊ុនផ្តល់សេវាទិញសំបុត្រអនឡាញ BookMeBus ឬ CamboTicket សម្រាប់អ្នកជិះឡាន និងកក់តាម Easybook សម្រាប់អ្នកជិះរទេះភ្លើង។
ក្រេឌីតរូបថត
រូបថតទី ១ ដោយ flickr តាមរយៈ Avec un sac sur le dos
រូបថតទី ២ ដោយ flickr តាមរយៈ Avec un sac sur le dos
រូបថតទី ៣ ដោយ flickr តាមរយៈ Avec un sac sur le dos
កប់យោបល់