អំពី
បន្ទាប់ពីចំនាយពេលឡើងទស្សនាភ្នំសំពៅនាពេលថ្ងៃ ភ្ញៀវទេសចរអាចបន្តនៅរង់ចាំមើលសកម្មភាពនៃការហោះហើររបស់ហ្វូងសត្វប្រចៀវចេញពីល្អាងភ្នំ ពេលថ្ងៃរៀបលិច។ ក្នុងខេត្តបាត់ដំបង មានល្អាងចំនួន ២ កន្លែងប៉ុណ្ណោះ នៅភ្នំសំពៅ គឺមួយនៅល្អាងខាងកើត និងមួយទៀតនៅល្អាងខាងជើង ដែលនៅមានសត្វប្រចៀវរស់នៅ។ ល្អាងប្រចៀវទាំង២នេះ ក្លាយជាគោលដៅទេសចរណ៍ដ៏សំខាន់មួយផងដែរសម្រាប់ខេត្តបាត់ដំបង។ អ្នកមកទស្សនា ទាំងភ្ញៀវទេសចរជាតិនិងអន្តរជាតិ មកទស្សនានិងថតយករូបភាពអនុវស្សាវរីយ៍ ដែលជាមធ្យម មានភ្ញៀវប្រមាណមានចន្លោះពី ២៥០ ទៅ ៣០០ នាក់ក្នុងមួយថ្ងៃៗ។
ទីតាំង
ល្អាងប្រជៀវភ្នំសំពៅ ស្ថិតនៅខេត្តបាត់ដំបង ។
លក្ខណៈពិសេស
- នៅជុំវីញរូងភ្នំនេះក៏មានកន្លែងលក់ដូរ ចំណី អាហារ ភេសជ្ជៈ វត្ថុអនុស្សាវរីយ៍ជាដើម ។
អ្ហូ! គួរដឹង
- ជារៀងរាល់ថ្ងៃ នៅមុនពេល សូរិយារៀបអស្តង្គត់ នៅចន្លោះម៉ោង ៥៖៣០ នាទី ដល់ម៉ោង ៦៖ ១៥ នាទីល្ងាច គឺជាពេលវេលាដ៍ជាក់លាក់ ដែល ហ្វូងសត្វប្រជៀវចាប់ផ្តើមហោះហើរបណ្តែតខ្លួនចេញពីរូង ខ្មៅដាស់ពេញមេឃ និងតម្រង់ជួរគ្នាចេញពីរូង។
មធ្យោបាយធ្វើដំណើរទៅកាន់ខេត្តបាត់ដំបង
ដើម្បីទៅដល់ខេត្តបាត់ដំបង អ្នកអាចធ្វើដំណើរតាមឡានក្រុង ឬ រទេះភ្លើង។ អ្នកអាចកក់សំបុត្រតាមក្រុមហ៊ុនផ្តល់សេវាទិញសំបុត្រអនឡាញ BookMeBus ឬ CamboTicket សម្រាប់អ្នកជិះឡាន និងកក់តាម Easybook សម្រាប់អ្នកជិះរទេះភ្លើង។
