អំពី
ភ្នំ “បាណន់” ជាកន្លែងទេសចរណ៍មួយដែលមានផ្សារភ្ជាប់ទៅនឹងរឿងប្រវត្តិសាស្រ្តខ្មែរ។ នៅលើកំពូលភ្នំ មានប្រាសាទមួយ ដែលគេឲ្យឈ្មេាះថា ប្រាសាទបាណន់។ ប្រាសាទនៅលើកំពូលភ្នំ ត្រូវបានកសាងនៅពាក់កណ្ដាលសតវត្សរ៍ទី១១ ដល់ចុងសតវត្សរ៍ទី១២ ហើយព្រះបាទឧទយាទិត្យាវរ្ម័នទី២ (១០៥០-១០៦៦) ក្រោយមកត្រូវបានបពា្ចប់ដោយព្រះបាទ ជ័យវរ្ម័នទី៧ (១១៨១-១២១៩) ។
ទីតាំង
ភ្នំ “បាណន់” មានទីតាំងស្ថិតនៅភូមិបាណន់ ឃុំកន្ទឺពីរ ស្រុកបាណន់ ហើយមានចម្ងាយ ២០.២០ គីឡូម៉ែត្រ ពីសាលាខេត្តបាត់ដំបង។
លក្ខណៈពិសេស
- ដើម្បីឡើងទៅកាន់ប្រាសាទបុរាណនៅលើកំពូលភ្នំ យើងត្រូវឡើងកាំជណ្ដើរដែលធ្វើអំពីថ្មបាយក្រៀម មានបង្កាន់ដៃនាគ ចាប់ផ្តើមពីជើងភ្នំឡើងទៅ ហើយនៅតាមផ្លូវមានកន្លែងសំរាកជើងពីរកន្លែង
- នៅជើងភ្នំ មានល្អាងសំខាន់ៗពីរ គឺល្អាងអង្គរបិទមាស និងល្អាងឈូងជ័យ។
- នៅខាងជើងភ្នំ មានគូទឹក ដែលអាចជិះទូកកំសាន្តលេង
អ្ហូ! គួរដឹង
- នៅទីធ្លាច្រកចូល មានអាហារដ្ឋាន និងតូបលក់អាហារ ព្រមទាំងកញ្ជុះសម្រាប់សម្រាកលម្ហែ
- អ្នកទៅលេងរមណីយដ្ឋានប្រាសាទបាណន់ អាចឈៀងចូលជិះលេងណូរីកែច្នៃ នៅខាងជើងភ្នំផងដែរ
កប់យោបល់