អំពី
កន្លែងនេះ គឺជាទីសក្ការបូជានៃសាសនាបាហៃ។ អគារទីសក្ការបូជាបាហៃ មានស្ថាបត្យកម្មដ៏ស្រស់ស្អាត ដែលរចនាឡើងដោយស្ថាបត្យករខ្មែរ មានប្រាំបួនជ្រុង ហើយរុំព័ទ្ធទៅដោយសួនច្បារ និងមាត់ទឹកទោះបីជាពេលថ្ងៃត្រង់ក៏មិនសូវក្ដៅដែរ ។ ទីសក្ការបូជានេះ បើកចំហឲ្យអ្នកទស្សនាចូលរួម ដោយសេរី ក៏បានធ្វើឲ្យភ្ញៀវទេសចរជាច្រើនជាប់ចិត្ត ចង់មកទស្សនាម្ដងទៀតផងដែរ ។
ទីតាំង
ទីសក្ការបូជាបាហៃ ស្ថិតនៅផ្លូវបោះពោធិ៍ អូរស្រឡៅ ចម្ងាយប្រមាណ ៧ គីឡូម៉ែត្រ ពីផ្សារណាត់ខេត្តបាត់ដំបង ។
លក្ខណៈពិសេស
- ទីសក្ការបូជាបាហៃ ជាកន្លែងដែលមានភាពស្ងប់ស្ងាត់ សម្រាប់អ្នកដែលត្រូវការសមាធិឲ្យស្ងប់ចិត្ត។
អ្ហូ! គួរដឹង
- ទីសក្ការបូជាបាហៃនៅបាត់ដំបងនេះ បើកឲ្យភ្ញៀវទេសចរចូលទស្សនាផងដែរ ប៉ុន្តែហាមមិនឲ្យមានការបរិភោគ ផឹកគ្រឿងស្រវឹង ឬថតរូប នៅក្នុងអគារធំនោះទេ
មធ្យោបាយធ្វើដំណើរទៅកាន់ខេត្តបាត់ដំបង
ដើម្បីទៅដល់ខេត្តបាត់ដំបង អ្នកអាចធ្វើដំណើរតាមឡានក្រុង ឬ រទេះភ្លើង។ អ្នកអាចកក់សំបុត្រតាមក្រុមហ៊ុនផ្តល់សេវាទិញសំបុត្រអនឡាញ BookMeBus ឬ CamboTicket សម្រាប់អ្នកជិះឡាន និងកក់តាម Easybook សម្រាប់អ្នកជិះរទេះភ្លើង។
កប់យោបល់